ՓԱՌԱՏՈՆԻ ՄԱՍԻՆ
Փառատոնի միջոցով «Կանաչ արահետ» ՀԿ-ն նպատակ ունի դրական փոփոխությունների միջոցով նպաստել Հայաստանում կայուն գյուղատնտեսության և գյուղական համայնքների զարգացմանը: Շուրջ 200 օրգանական և բնական գյուղմթերք արտադրողներ, ավանդական ֆերմերային խմբեր, գյուղատնտեսության ոլորտի ձեռներեցներ և կանանց խմբեր Հայաստանի բոլոր մարզերից և Արցախից յուրաքանչյուր տարի մասնակցում են Բերքի փառատոնին: Փառատոնը յուրօրինակ հարթակ է, որտեղ ֆերմերները, արտադրողները, վերամշակողները, գնորդները և տարբեր կազմակերպություններ ու հնարավոր ներդրողներ կարող են հանդիպել՝ փորձի փոխանակման, համագործակցության և նոր շուկաներ գտնելու նպատակով: Փառատոնը կուղեկցվի բնական ու ավանդական գյուղմթերքի տոնավաճառով: Փառատոնն ուղեկցվելու է ավանդական համերգային ծրագրով` ժողովրդական անվանի երգիչների, երաժիշտների ու մշակութային փոքր խմբերի մասնակցությամբ, երեխաների համար նախատեսված ժամանցային կատարումներով ու ներկայացումներով, բեմականացումներով ու պարային համարներով: Փառատոնի մասնակցության պայմաններին և աջակից կազմակերպություններին կարող եք ծանոթանալ մասնակցի ուղեցույցի միջոցով:
Բերքի տոնի երկօրյա մասնակցության և աջակցության պայմաններ
Գործընկեր
- Փայտե տաղավար 2 մասնակցի համար (4 սեղանով/120*80 սմ յուր․)՝ ներառյալ սփռոց, աթոռ, աղբաման, անձեռոցիկ
- Կազմակերպության/ապրանքանիշի ստենդի տեղադրում, բրենդավորված տարածք
- Տպագրական նյութերի վրա լոգոյի տպագրություն․ դրոշ, պոստեր, ցուցանակ
- Փառատոնի լոգոյով թղթե տոպրակների, շապիկների տրամադրում
- Փառատոնի հաղորդավարների կողմից ընկերության/ապրանքի մասին հայտարարում բեմից
- Փառատոնի սոցիալական հարթակներում (Facebook, Instagram) ընկերության/ ապրանքիմասին տեղեկության տեղադրում (շաբաթը մեկ անգամ)
Մասնակից
- Փառատոնի սոցիալական հարթակներում(Facebook, Instagram) ընկերության/ապրանքի մասին տեղեկության տեղադրում (երկու անգամ)
- Երկտեղանի վրանի տակ մեկ սեղանի (160*80) տրամադրում (ներառյալ աթոռ, սփռոց, աղբաման, անձեռոցիկ)
- Փառատոնի լոգոյով թղթե տոպրակների, շապիկների տրամադրում
Կորպորատիվ մասնակցություն
Սնունդ, ըմպելիքներ վաճառող մասնակից- Փառատոնի սոցիալական հարթակներում (Facebook, Instagram) ընկերության/ ապրանքի մասին տեղեկության տեղադրում(մեկ անգամ)
- Վրանի տակ մեկ սեղանի (90*90) տրամադրում
- Թույլտվություն ներկայանալու սեփական վրանով, տաղավարով ու այլ գույքով
2023 թվականի Փառատոնին գրանցվելու և տաղավար ամրագրելու համար խնդրում ենք լրացրեք հետևյալ հայտը
Փառատոնն այս տարի անցկացվում է Կոտայքի մարզի Ձորաղբյուր բնակավայրում: Միջոցառմանը ներկա են եղել նաև Էկոնոմիկայի նախարարի տեղակալ Արման Խոջոյանը, Կոտայքի մարզպետ Ահարոն Սահակյանը և այլք:
Այս տարի փառատոնը կրկին տոն կդառնա “Friends Bakery”-ի անուշահամ թխավածքաբլիթների շնորհիվ:
“Friends Bakery”-ն նախաձեռնություն է, որի նպատակն է Հայկական քաղցրավենիքները մատուցել նորովի։
Այս տարի առաջին անգամ են ներկայանում Բերքի տոնին, իրենց հետ բերելով բազմազան արևահամ գաթաներն ու մեղրալի փախլավան։
