Փառատոններ

Հարգելի այցելու,

Սիրով հրավիրում ենք Ձեզ մասնակցելու «Կանաչ արահետ» ՀԿ-ի կողմից կազմակերպվող ամենամյա Բերքի Տոնին՝ Գյուղական կյանքի եվ ավանդույթների 11-րդ փառատոնին։

Այս տարի Փառատոնը կանցկացվի սեպտեմբերի 14-15-ին Կոտայքի մարզի Ձորաղբյուր գյուղում գործող Ուսուցման Կանաչ Կենտրոնում։ Փառատոնի նպատակն է դրական փոփոխությունների և կայուն գյուղատնտեսության ներդրման միջոցով նպաստել Հայաստանում գյուղական համայնքների զարգացմանը:

Այս տարվա փառատոնին՝ Բերքի տոնին, մասնակցելու են Հայաստանի բոլոր մարզերից և այլ երկրներից ժամանած ավելի քան 200 օրգանական և բնական գյուղմթերք արտադրողներ, ֆերմերային խմբեր, գյուղատնտեսության ոլորտի ձեռներեցներ և կանանց խմբեր:

Փառատոնը կուղեկցվի բնական ու ավանդական գյուղմթերքի տոնավաճառով, երգ ու պարով: Գյուղական կյանքի և ավանդույթների փառատոնում կցուցադրվեն նաև հեռավոր մարզերի, Վրաստանի և արտերկրի մի շարք երկրների արհեստագործների կողմից պատրաստված ձեռագործ աշխատանքներ և այլ իրեր: